Home » Home 24-08-2022

வணக்கம்

இது நுழைவுத் தேர்வுகளின் காலம். மார்ச் மாதம் ப்ளஸ் டூ தேர்வெழுதிய மாணவர்கள் அத்தனைப் பேரும் அடுத்தக் கட்டத்துக்குச் செல்ல முட்டி மோதிக்கொண்டிருக்கிறார்கள். பொறியியல். மருத்துவம். சட்டம். துறை எதுவானாலும் நுழைவுத் தேர்வுகள் அவசியம் உண்டு.

இது உலகம் முழுதும் உள்ள நடைமுறைதான் என்றாலும் இங்கே அதிகம் விவாதிக்கப்படவும் விமரிசிக்கப்படவும் காரணங்கள் பல உள்ளன. ஏனெனில், மதம் போலவே கல்வியும் அரசியல் கலக்கும்போது வேறு வடிவம் எடுத்துவிடுகிறது. இது பல லட்சக் கணக்கான இளைய தலைமுறையினரின் எதிர்காலம் சம்பந்தப்பட்டது என்பது அரசியல்வாதிகளுக்குப் பொருட்டில்லை. அவரவர் நியாயங்களை உலகப் பொது உண்மையாக முன்வைப்பதால் வருகிற விபரீதங்கள்.

இருக்கட்டும். இந்த இதழில் நுழைவுத் தேர்வுகள் குறித்த நான்கு கட்டுரைகள் சிறப்பிடம் பெறுகின்றன. நீட் - மருத்துவ நுழைவுத் தேர்வுக்கும் பொறியியல் நுழைவுத் தேர்வுகளுக்கும் உள்ள மிக நுணுக்கமான வித்தியாசத்தைச் சுட்டிக்காட்டும் பா. ராகவனின் கட்டுரை, அந்தச் சிறு வித்தியாசம் உண்டாக்கும் விபரீதங்களை மிக விரிவாக எடுத்துச் சொல்கிறது.

நுழைவுத் தேர்வுகளைப் போர்க்களத்துக்குச் செல்வது போலக் கருதும் மனோபாவம் ஏன் நம்மிடம் உள்ளது? தோல்விக்காகத் தற்கொலை வரை செல்ல எது தூண்டுகிறது? மன அழுத்தங்கள் இன்றி நுழைவுத் தேர்வுகளை அணுகவே முடியாதா? முடியும். அதற்கான உபாயங்களைச் சொல்லித் தருகிறது பத்மா அர்விந்தின் கட்டுரை.

கடந்த சில ஆண்டுகளாக நாம் கூர்ந்து கவனித்து வந்த வகையில், ஒவ்வொரு நுழைவுத் தேர்வுக்கும் மாணவர்கள் தயாராவது போலவே அவர்களது அம்மாக்களும் தயாராகிவிடுகிறார்கள். உண்மையில் அவர்கள் பிள்ளைகளைத்தான் கவனிக்கிறார்கள். ஆனால் ஒரு கட்டத்தில் பிள்ளைகளைவிட இந்தத் தேர்வின் சூட்சுமம் அறிந்தவர்களாகிவிடுகிறார்கள். நுழைவுத் தேர்வுகளுக்குத் தயாராகும் மாணவர்களின் தாய்மார்கள் மிகவும் சுவாரசியமானவர்கள். அவர்களுடைய அனுபவக் கதைகள், தேர்வெழுதும் பிள்ளைகளின் அனுபவத்தினும் பெரிது. இந்த இதழில் அத்தகைய ‘தேர்வுத் தாய்மார்களின்’ அனுபவங்களைத் தொகுத்துத் தந்திருக்கிறார் ஶ்ரீதேவி கண்ணன்.

இவை தவிர, நீட் தேர்வுக்குத் தயாராகும் வழிமுறைகளை இரண்டு மாணவர்கள் இவ்விதழில் விவரித்திருக்கிறார்கள் (பிரபு பாலாவின் கட்டுரை).

கல்வி என்பது பாதுகாப்பான எதிர்காலத்துக்கான ஒரு சௌகரியமான முதலீடு. துரதிருஷ்டவசமாக, அது ஒரு பெரும் தொழிலாகிவிட்ட காலத்தில் நாம் வாழ்ந்துகொண்டிருக்கிறோம். இந்த மாற்றத்தை நம்மால் ஒன்றும் செய்ய இயலாது. ஆனால் காலத்தில் பின் தங்கிவிடாதிருக்க முயற்சியும் பயிற்சியும் செய்யலாம் அல்லவா? அதைத்தான் மையப்படுத்துகிறது இந்த இதழில் இடம் பெற்றுள்ள இக்கட்டுரைகள்.

பெரும்பாலும் கேளிக்கையை முன்னிலைப்படுத்தும் வெகுஜனப் பத்திரிகைகள் மத்தியில் மக்களுக்குப் பயனுள்ளவற்றை மட்டுமே பேசுகிற ஓர் இதழாக மெட்ராஸ் பேப்பர் வருகிறது என்று சென்ற வாரம் ஒரு வாசகர் எழுதியிருந்தார். நமது நோக்கம் சரியானவர்களுக்குச் சரியாகப் போய்ச் சேருகிற மகிழ்ச்சியை அந்தச் சிறிய குறிப்பு அளித்தது. மெட்ராஸ் பேப்பர் இன்னும் பரவலான வாசகர்களைச் சென்று சேர உங்கள் ஆதரவு தேவை. இதன் ஒவ்வொரு வாசகரும் ஒவ்வொரு புதிய வாசகரைச் சந்தாதாரர் ஆக்குவதன் மூலம் இந்த இயக்கம் வலுப்பெற உதவ முடியும்.

செய்வீர்கள் அல்லவா?

சிறப்புப் பகுதி: நுழைவுத் தேர்வுகள்

கல்வி

பொறி வைத்துப் பிடித்தல்: சில குறிப்புகள்

பொறியியல் நுழைவுத் தேர்வுகளுக்குப் பின்னால் நடக்கும் அனைத்தையும் அலசும் கட்டுரை. சென்ற ஆண்டு வரை நான் ஒரு நீட் எதிர்ப்பாளனாக இருந்தேன். தமிழக அரசியல்...

கல்வி

நீட்: அஞ்சாதே!

அரசியலை எல்லாம் ஒதுக்கி வைப்போம். நீட் தேர்வுக்கு மாணவர்கள் எப்படித் தயாராகிறார்கள்? நேரடியாக விசாரித்து அறியப் புறப்பட்டோம். இளநிலை மருத்துவப்...

கல்வி

கதை திரைக்கதை வசனம் ஒளிப்பதிவு பாடல்கள் இசை எடிட்டிங் – அம்மாக்கள்!

நீட், ஜேஇஇ நுழைவுத்தேர்வுகள் எப்போது ஆரம்பமானதோ அப்போதிலிருந்து தேர்வுகள் என்பவை பணத்தைக்கட்டி ஓடவிடும் குதிரைப் பந்தயக் களமானது. பிள்ளைகளை விடுங்கள்...

கல்வி

துவளாதே!

2019 ஆம் ஆண்டு மட்டும் இந்தியாவில் நுழைவுத் தேர்வுகள், பள்ளி இறுதித் தேர்வுகளில் தேர்ச்சி அடையாமல் போனதற்காக நான்காயிரம் மாணவர்கள் தற்கொலை...

எட்டுத் திக்கு

உலகம்

தக்காளிச் சட்னி செய்வது எப்படி?

சென்ற இதழில் ‘குரங்கு கையில் ஏகே47’ என்கிற கட்டுரையைப் படித்திருப்பீர்கள். இந்த வாரம் நிலைமை இன்னும் மோசமாகியிருக்கிறது. இஸ்ரேல் படைகள் துப்பாக்கியை...

நம் குரல்

தேசபக்தி படும் பாடு

ஆசியாவின் மிகப்பெரிய பணக்காரரான கௌதம் அதானி தலைமையில் இயங்கும் அதானி குழுமம், பங்குச் சந்தையில் திருகு வேலை செய்ததாகவும், கணக்கு மோசடியில்...

நுட்பம்

கூகுள் தரும் கூடுதல் வசதிகள்

நாம் எல்லோருக்கும் கூகுள் என்றவுடன் அவர்களின் தேடுபொறி, யூ-ட்யூப், ஜிமெயில், கூகிள் போட்டோஸ் இவைதான் நினைவில் வரும், இவற்றைத் தாண்டி அவர்களின் சில...

இலங்கை நிலவரம்

ஒன்பதில் சனி

இலங்கையில் ஜனநாயகமும், ஆட்சியாளர்கள் மீதான மக்களின் நம்பிக்கையும் எந்தளவுக்குச் சிதைந்து போயிருக்கிறதென்றால் ‘மார்ச் 9ம் தேதி உள்ளூராட்சித்...

உலகம்

வேலை போகும் காலம்

தினமும் 20 சிகரெட்டுக்களுக்கு மேல் புகை பிடிப்பதும், 5 பாட்டில்களுக்கு மேல் மது அருந்துவதும் உடலுக்குத் தீமை விளைவிக்கும் என்று தெரிந்திருந்தும்...

  • தொடரும்

    கடவுளுக்குப் பிடித்த தொழில் தொடரும்

    கடவுளுக்குப் பிடித்த தொழில் – 10

    கண்ணின் அருமை கண்ணின் அருமை தெரியாதவர்கள் இருக்க முடியாது. ஐம்புலன்களில் மிக முக்கியமான புலன் இது. குறிப்பாகச் சொல்லப்போனால் நமது சுற்றுப்புறத்திலிருந்து வரும் தகவல்களில் கிட்டத்தட்ட 80 % தகவல்கள் கண்கள் மூலமாகத்தான் நமது மூளையை வந்தடைகின்றன. நமது மூளையில் பின்புறத்தில் விஷூவல் கார்டெக்ஸ் எனப்படும்...

    Read More
    உயிருக்கு நேர் தொடரும்

    உயிருக்கு நேர் – 10

    10 – வண்ணச்சரபம் தண்டபாணி சுவாமிகள் (22.11.1839 – 15.7.1897 ) அறிமுகம் ‘தமிழ்க் கடவுள்’ என்று சொல்லப்படுபவர் முருகவேள். தமிழில் முருக பக்த இலக்கியமாகவும், செறிவு மிக்க இலக்கியமாகவும் விளங்கிய ஒரு நூல் என்றால் உடனே நமக்குச் சட்டென்று நினைவுக்கு வரும் ஒரு பெயர் உண்டு. அது திருப்புகழ்...

    Read More
    தொடரும் நாவல்

    ஆபீஸ் – 35

    35 இடம் ஏஓவின் கர்ர்ரில் அலறியடித்துகொண்டு அவன் ஓடிவந்ததைப் பார்த்து இளித்த டிஓஎஸ், தினந்தோறும் நடக்கிற இந்தக் கூத்திற்கு இவ்வளவு நேரம்தான் ஒதுக்கமுடியும் என்பதைப்போல திரும்ப மேஜையில் கைகளை வைத்துக் கவிழ்ந்துகொண்டார். அடுத்து, இங்கிருந்து வரப்போகிற கொர்ர்ரை வேறு கேட்கவேண்டுமா என்பதைப் போல எழுந்து...

    Read More
    தல புராணம் தொடரும்

    ‘தல’ புராணம் – 10

     தொழிற்சாலைப் பெண்மணி ரேவதி அத்வைதி கல்லூரியில் மெக்கானிகல் எஞ்சினியரிங் படிக்கப் போகும் போது அவரது வகுப்பில் அவர் மட்டும் ஒரே ஒரு மாணவி. நண்பர்கள், உறவினர்கள், “பெண்பிள்ளை ஏன் மெக்கானிகல் எஞ்சினியரிங் படிக்கப் போகிறாய்?” என்று கேட்டார்கள். அது மட்டுமல்லாது ஒரு பேராசிரியரே, “நீ வொர்க் ஷாப்பில் வேலை...

    Read More
    குடும்பக் கதை தொடரும்

    ஒரு குடும்பக் கதை -36

    36. தேர்தல் வெற்றி முதல் முறை சிறைவாசம் முடிந்து வெளியில் வந்ததும், ஜவஹர்லால் நேரு அகமதாபாத் சென்று சிறையிலிருந்த காந்திஜியைச் சந்தித்துப் பேசினார். அப்போது, காந்திஜியின் மீதான வழக்கு அங்கு நடைபெற்றுக் கொண்டிருந்தது. நீதிமன்றம் சென்று பரபரப்பான அந்த வழக்கினைக் கவனித்தார். அந்த நீதிபதி ஒரு...

    Read More
    error: Content is protected !!