Home » Home 21-12-2022

வணக்கம்

இந்த இதழ் நமது மெட்ராஸ் பேப்பர் எழுத்தாளர்கள் - செய்தியாளர்களின் ஆண்டறிக்கைச் சிறப்பிதழாகிறது.

இரண்டு ஆண்டுகளுக்கு முன்புவரை இவர்களில் யாருக்கும் ஒருவரை ஒருவர் தெரியாது. இப்போது வரையிலுமே பலர் நேரில் சந்தித்திராதவர்கள். வேறு வேறு தேசங்களில், வேறு வேறு தொழில்களில், வேறு வேறு வாழ்க்கை முறைகளில் இருப்பவர்கள். எழுத்தார்வமே இவர்களை ஒருங்கிணைத்தது. எழுத்து வகுப்புகளில் அறிமுகமாகி, எழுதத் தேர்ந்த பின்பு மெட்ராஸ் பேப்பருக்கு வந்தவர்கள். இந்த வருடம் தமது முதல் புத்தகத்தையும் எழுதி முடித்தவர்கள்.

வானளாவிய கட்டடங்களே ஆனாலும் ஒவ்வொரு செங்கல்லாகத்தான் வைத்துக் கட்டியாக வேண்டும். அவ்விதத்தில் இந்த எழுத்தாளர்கள் இந்த ஆண்டு எடுத்து வைத்திருக்கும் முதல் கற்கள் இவை.

எப்போதாவது தோன்றும்போது எழுதுவது என்பது வேறு. எழுத்தை ஒரு தினசரிப் பயிற்சியாக, வாழ்க்கை முறையின் ஓர் அங்கமாக மாற்றிக்கொள்வது என்பது வேறு. இவர்கள் அனைவரும் விரும்பித் தம்மை எழுத்துக்கு ஒப்புக் கொடுத்தவர்கள். தனி வாழ்வின் கெடுபிடிகள், துயரங்கள் எவ்வளவு கனம் மிக்கதாயினும் அதை நகர்த்தி வைத்துவிட்டு எழுத்துப் பணிக்கு முக்கியத்துவம் தருபவர்கள்.

ஓர் உதாரணத்துக்கு ஸஃபார் அஹ்மத் எழுதியிருக்கும் கட்டுரையைப் படித்துப் பாருங்கள். சிங்களப் பேரினம் ஆளும் தேசத்தில் சிறுபான்மை இனத்தில் பிறந்துவிட்ட ஒரே காரணத்தால் பயங்கரவாதி என்று முத்திரையிட்டு, அவரை என்ன பாடு படுத்தியிருக்கிறார்கள் என்பதைக் கவனியுங்கள். ரத்தக் கண்ணீர் வரச் செய்யும். ஆனால் இப்படியொரு இருப்பியல் நெருக்கடிக்கு இடையில் சிக்கித் தவித்துக்கொண்டிருந்த சாயலே இல்லாமல் அவர் எழுதுகிற கட்டுரைகளை நினைவுகூர்ந்து பார்க்கலாம். எழுதுதல் என்னும் செயல்பாட்டுக்கு முழுமையாகத் தன்னை ஒப்புக்கொடுக்காத ஒருவருக்கு இது சாத்தியமேயில்லை.

கடந்து போகும் ஆண்டைத் திரும்பிப் பார்ப்பதென்பதை அனைவரும் செய்வார்கள். இந்த இதழில் நீங்கள் படிக்கவிருக்கும் கட்டுரைகள், அடுத்து வரும் ஆண்டை மேலும் ஆக்கபூர்வமாக அமைத்துக்கொள்ள மறைமுகமாகச் சில நுட்பங்களைக் கற்றுத் தரும்.

நிற்க. மெட்ராஸ் பேப்பர் எழுத்தாளர்களின் பதிமூன்று புத்தகங்களை ஜீரோ டிகிரி பப்ளிஷிங் நிறுவனம் வெளியிடுவதை அறிவீர்கள். இதனை ஒரு வாசகர் திருவிழாவாகக் கொண்டாட விரும்புகிறோம். ஜனவரி 11, 2023 புதன்கிழமை மாலை ஐந்து மணிக்கு சென்னை கேகே நகரில் உள்ள டிஸ்கவரி புக் பேலஸ் அரங்கில் இச்சந்திப்பு நிகழும். இந்நிகழ்ச்சிக்கென நமது எழுத்தாளர்கள் பல்வேறு நாடுகளிலிருந்தும் சென்னை வருகிறார்கள். வாசகர்கள் அனைவரையும் இந்நிகழ்ச்சிக்கு அன்புடன் அழைக்கிறோம். எழுத்தாளர்களை அங்கே நீங்கள் நேரில் சந்திக்கலாம். புத்தகங்களில் கையெழுத்து பெறலாம். புகைப்படம் எடுத்துக்கொள்ளலாம். கேள்விகள் கேட்கலாம். விவாதிக்கலாம்.

இது மேடையில் இருப்பவர்கள் மட்டும் பேசும் நிகழ்ச்சியல்ல. வாசகர் பங்களிப்பே முதன்மையாக இருக்க வேண்டும் என்பது எங்கள் விருப்பம். வாருங்கள், சேர்ந்து கொண்டாடுவோம்.

சிறப்புப் பகுதி: திரும்பிப் பார்!

முன்னால் பார்!

நம் குரல்

பேனா சிலையில் சர்ச்சை வேண்டாம்!

கலைஞருடைய பேனா எழுதிய அளவுக்கு, வேறு யாருடைய பேனாவும் எழுதியதில்லை. அந்தப் பேனாவின் எழுத்துதான் சிவாஜி  கணேசனை ‘பராசக்தி’யின் மூலம் ஒரே இரவில்...

உலகம்

பென்கிவிர் புகுந்த மசூதி

அல் அக்ஸாவில் இஸ்ரேலிய ராணுவம். அல் அக்ஸாவில் துப்பாக்கிச் சூடு. அல் அக்ஸாவில் கலவரம். இத்தனை பேர் சாவு. இத்தனை பேர் படுகாயம். நேற்று வரை மாதம்...

நுட்பம்

சொல்லும் செயலும்

அன்றாடம் அலுவலகத்தில் பயன்படுத்தும் செயலிகளில் முதலிடம் பிடிப்பது மைக்ரோசாப்ட் வேர்ட், எக்ஸ்சேல் என்கிற மைக்ரோசாப்ட் ஆபீஸ் செயலிகளாகத் தான் இருக்கும்...

உலகம் உளவு

சுற்றிய பலூனும் வெடித்துச் சிதறிய நல்லுறவும்

வான்வெளியில் மணிக்கு 70 மைல் வேகத்தில் ஒரு பலூன் பறந்துகொண்டிருக்கிறது. வண்ணமயமான பலூன்கள் பறப்பது கண்ணுக்கு அழகு!  ஆனால் இவை உலோகங்களால்...

உலகம்

கொறிவிலங்கு ஜோதிடம்

கிளி ஜோதிடம், குருவி ஜோதிடம்,  மனித ஜோதிடம் (குறி சொல்லுதல்) கூடக் கேள்விப்பட்டு இருக்கிறோம். நடிகர் வடிவேலுவைக் கூண்டில் அடைத்து ஜோதிடம், கால்ரேகை...

உலகம்

சொறியாதே! சுடப்படுவாய்!

காவல் துறை என்பது பல அடுக்குகளைக் கொண்டது. சாலையோர ரோந்துப் பணி, துப்பறியும் பணி, போதைப்பொருட்கள் தடுக்கும் குழு, திறனாய்வுக்குழு, கல்விக்குழு...

  • தொடரும்

    குடும்பக் கதை

    ஒரு குடும்பக் கதை -37

    37. கை விலங்கு மோதிலால் நேரு, ‘ஸ்வராஜ் கட்சி’ என்ற பெயரில் தனிக் கட்சி தொடங்கி, தேர்தலில் போட்டியிட்டு சட்டசபைக்குள் நுழைந்தது பற்றி அவரது மகன் ஜவஹர்லால் நேருவின் கருத்து என்னவாக இருந்தது? மோதிலால் நேரு, ஸ்வராஜ் கட்சி ஆரம்பித்த சமயம் ஜவஹர்லால் நேரு சிறையில் இருந்தார். விதிக்கப்பட்ட தண்டனைக் காலம்...

    Read More
    உயிருக்கு நேர் தொடரும்

    உயிருக்கு நேர் – 11

     நல்லூர் சுவாமி ஞானப்பிரகாசர் ( 30.08.1875 – 22.01.1947 ) தமிழ் மொழி முதன் மொழிகளுள் ஒன்று என்ற நோக்கு இன்றைக்கு இருக்கிறது. முதன்மொழி என்றால், இயல்பாகத் தானே இயங்கும் வல்லமை பெற்றது; உலகின் தொடக்க மொழிகளில் ஒன்றாக இருக்க வாய்ப்புள்ள ஒரு மொழி என்பன போன்றவை கருதுகோள்கள். அந்தக் கருதுகோள்கள்...

    Read More
    இலக்கியம் நாவல்

    ஆபீஸ் – 36

    36 அறைவாசிகள் காலைல எட்டறைக்குக் கெளம்பிடுவோம். சாயங்காலம் ஆறரைக்கு வந்துருவோம் என்று சொல்லி, வளையத்திலிருந்து கழற்றி ஒரு சாவியைக் கொடுத்தான், மணி என்று தன்னை அறிமுகப்படுத்திக்கொண்ட உயரமான பையன். இவன்தான், இருக்கட்டும் சாவிக்கு என்ன இப்ப என்று மறுநாள் சாயங்காலமாகப் பெட்டியுடன் வந்தான். அவர்கள்...

    Read More
    கடவுளுக்குப் பிடித்த தொழில் தொடரும்

    கடவுளுக்குப் பிடித்த தொழில் -11

    ஸ்டெம் செல்லைக் கொண்டு ஒருசில குறிப்பிட்ட நோய்களை மிகச் சிறந்த முறையில் நாம் குணப்படுத்த முடியும். குறிப்பாக, இரத்த சம்பந்தப்பட்ட நோய்கள். ஸ்டெம் செல்களை இத்தகைய நோய்களுக்குப் பயன்படுத்துவதற்கே அமெரிக்காவின் FDA மற்றும் இந்தியாவின் மருந்துக் கட்டுப்பாட்டு மற்றும் ஒழுங்குமுறை ஆணையம் உள்ளிட்ட...

    Read More
    தல புராணம் தொடரும்

    ‘தல’ புராணம் – 11

     உலகப் பணக்காரர்களில் ஒருவர் இமாலயப் பிரதேசத்தில் இமய மலையின் அடிவாரத்திலுள்ள கிராமங்களில் ஒன்று அது. 1950களின் பிற்பகுதியில் மின்சார வசதியோ அல்லது குடிநீர் வசதியோ வீடுகளில் இல்லை. அங்கு ஒரு சராசரி விவசாயக் குடும்பம். தாய் தந்தையர் இருவரும் பள்ளிக்கூடம் போய்ப் படித்ததில்லை. காரணம் அவர்கள்...

    Read More
    error: Content is protected !!