Home » Home 30-11-2022

வணக்கம்

இந்த இதழின் மொழிப் புதையல் பக்கங்களை வழக்கமான பத்திரிகைக் கட்டுரைகளைப் போலல்லாமல், சற்று நிறுத்தி நிதானமாக, தினமொன்றாகப் படித்துப் பாருங்கள். இவை சென்ற நூற்றாண்டின் முற்பகுதியில் தமிழ் எப்படித் துள்ளி எழுந்து பொலிந்து நின்றது என்பதைப் பறைசாற்றும்.

பாரதி, உவேசா, வஉசி, பிச்சமூர்த்தி, லாசரா என்ற பெயர்களைச் சொன்னால் கணப் பொழுது கும்பிட்டுவிட்டு நகர்ந்துவிட ஒரு சாராரும், யார் அவர்கள் என்று கேட்க ஒரு தலைமுறையும் இன்று உள்ளனர். ஆனால் மொழியின் மீது இம்முன்னோடிகள் கொண்டிருந்த ஆளுமை மிகப் பெரிது. இன்றைக்கு எழுதப்படுகிற சேதாரத் தமிழுக்கும் அவர்கள் வளர்த்த மொழிக்கும் சம்பந்தமே கிடையாது. தவம் இருந்து பெற்றதொரு பெண் குழந்தையைப் போல அவர்கள் மொழியை வளர்த்திருக்கிறார்கள். தனித்தமிழ் ஒரு பக்கம். மணிப்பிரவாளம் ஒரு பக்கம். அடுக்கு மொழி ஒரு பக்கம். அமைதியும் ஆழமும் பொதிந்த எழுத்து ஒரு பக்கம். ஒவ்வொருவர் ஒவ்வொரு விதமாக எழுதினாலும் யாரும் மொழிச் சிதைவுக்கு இடமளித்ததில்லை.

மொழி சார்ந்த கவனமும் அக்கறையும் ஏன் நமக்கு முக்கியமாகிறது? ஏனெனில், அதைத் துறந்த தலைமுறையின் காலத்தில்தான் பிற மொழித் திணிப்பு முயற்சிகள் மேலோங்குகின்றன. தகவல் தொடர்பு என்பதற்கு அப்பால் மொழிக்கு முக்கியத்துவம் இல்லை என்று கருதப் பயிற்றுவிக்கப்படும்போதே, ஒரு தொல்மொழியின் அடையாள வேர்கள் சிதைக்கப்பட்டுவிடுகின்றன. நாம் பாப்கார்ன் சாப்பிட்டுப் பசியாறப் பழகத் தொடங்குகிறோம்.

உலகில் இதுவரை அழிந்த மொழிகளின் வரலாற்றைப் படித்துப் பாருங்கள். அதில் வாழ்ந்தோரின் அக்கறையின்மை தவிர வேறொரு காரணம் இராது. ஆக்கிரமிப்பு அரசியல், ஏகாதிபத்திய அரசியல், திணிப்பு அரசியல் எல்லாம் இருக்கத்தான் செய்யும். காலம் தோறும் உலகெங்கும் இதெல்லாம் இருந்து வந்தவைதாம். ஆனால் நம் கவனம் என்ன? நம் அக்கறை எதில் உள்ளது? நமக்கு எது முக்கியம் என்று பார்க்க வேண்டுமல்லவா? நம் மொழியைக் காக்கவும் செழிக்கச் செய்யவும் நம் பங்கான சிறு துரும்பு என்னவென்று கணப் பொழுது சிந்திக்க வேண்டுமல்லவா?

இந்த மொழிப் புதையல் சிறப்பிதழிலேயே முருகு தமிழ் அறிவனின் ‘உயிருக்கு நேர்’ தொடர் ஆரம்பமாவது ஓர் எதிர்பாராத பொருத்தம். தமிழுக்கு வளம் சேர்த்த அறிஞர் பெருமக்களை இந்தத் தலைமுறைக்கு அறிமுகப்படுத்துகிற தொடர் இது.

இது தவிர ராஜிக் இப்ராஹிம் எழுதும் ‘கடவுளுக்குப் பிடித்த தொழில்’, உயிரியல் தொழில்நுட்பம் (Biotechnology) சார்ந்து தமிழில் எழுதப்படுகிற முதல் தொடர். மனித குலத்தை அச்சுறுத்தும் நவீன கால நோய்த் தொற்று, மரபணுக் குளறுபடிகள், உணவுப் பஞ்சம், காலநிலை மாறுபாடுகள் போன்ற பல்வேறு பிரச்னைகளுக்குத் தீர்வு சாத்தியமா? எனில், எப்போது? எப்படி? இந்தத் தொடரில் உங்களுக்கு வெளிச்சம் கிடைக்கும்.

இன்னொரு புதிய தொடர், ந. ஜெயரூபலிங்கம் எழுதும் ‘தல’ புராணம். இது வெற்றிகரமான தலைமைச் செயல் அதிகாரிகளின் (CEOs) உலகை, மன அமைப்பை, அவர்கள் சிந்திக்கும் விதத்தை, முடிவெடுக்கும் லாகவத்தைச் சுட்டிக்காட்டுகிறது. உலகின் அதி உயர் பதவிகளில் நம் நாட்டவர்கள் அமரும்போதெல்லாம் நாம் பெருமை கொள்கிறோம். பாராட்டி மகிழ்கிறோம். ஆனால் அந்த உயரத்தைத் தொட அவர்கள் பயணம் செய்த பாதையைக் குறித்துச் சிந்தித்திருப்போமா? இந்தத் தொடர் அதனைச் செய்கிறது.

இவை தவிர உலகக் கோப்பை கால்பந்தாண்டப் போட்டிகளை முன்வைத்து கத்தாரின் அளப்பரிய வளர்ச்சியின் சரிதத்தை விவரிக்கும் ஸஃபார் அஹ்மதின் கட்டுரை, இராக்கில் கண்டறியப்பட்டுள்ள நீருக்கடியில் புதையுண்ட புராதன நகரம் குறித்த சிவசங்கரியின் கட்டுரை, ராகுல் காந்தியின் நடைப் பயணம் குறித்த பாண்டியராஜனின் கட்டுரை என்று இந்த இதழில் நீங்கள் கூர்ந்து வாசிக்க ஏராளமான கட்டுரைகள் உள்ளன.

படித்து ரசித்த பிறகு உங்கள் கருத்துகளை எங்களுக்கு எழுதுங்கள். அடுத்த வாரம் சந்திப்போம்.

இங்கும் அங்கும்

நம் குரல்

பேனா சிலையில் சர்ச்சை வேண்டாம்!

கலைஞருடைய பேனா எழுதிய அளவுக்கு, வேறு யாருடைய பேனாவும் எழுதியதில்லை. அந்தப் பேனாவின் எழுத்துதான் சிவாஜி  கணேசனை ‘பராசக்தி’யின் மூலம் ஒரே இரவில்...

உலகம்

பென்கிவிர் புகுந்த மசூதி

அல் அக்ஸாவில் இஸ்ரேலிய ராணுவம். அல் அக்ஸாவில் துப்பாக்கிச் சூடு. அல் அக்ஸாவில் கலவரம். இத்தனை பேர் சாவு. இத்தனை பேர் படுகாயம். நேற்று வரை மாதம்...

நுட்பம்

சொல்லும் செயலும்

அன்றாடம் அலுவலகத்தில் பயன்படுத்தும் செயலிகளில் முதலிடம் பிடிப்பது மைக்ரோசாப்ட் வேர்ட், எக்ஸ்சேல் என்கிற மைக்ரோசாப்ட் ஆபீஸ் செயலிகளாகத் தான் இருக்கும்...

உலகம் உளவு

சுற்றிய பலூனும் வெடித்துச் சிதறிய நல்லுறவும்

வான்வெளியில் மணிக்கு 70 மைல் வேகத்தில் ஒரு பலூன் பறந்துகொண்டிருக்கிறது. வண்ணமயமான பலூன்கள் பறப்பது கண்ணுக்கு அழகு!  ஆனால் இவை உலோகங்களால்...

உலகம்

கொறிவிலங்கு ஜோதிடம்

கிளி ஜோதிடம், குருவி ஜோதிடம்,  மனித ஜோதிடம் (குறி சொல்லுதல்) கூடக் கேள்விப்பட்டு இருக்கிறோம். நடிகர் வடிவேலுவைக் கூண்டில் அடைத்து ஜோதிடம், கால்ரேகை...

உலகம்

சொறியாதே! சுடப்படுவாய்!

காவல் துறை என்பது பல அடுக்குகளைக் கொண்டது. சாலையோர ரோந்துப் பணி, துப்பறியும் பணி, போதைப்பொருட்கள் தடுக்கும் குழு, திறனாய்வுக்குழு, கல்விக்குழு...

சிறப்புப் பகுதி: மொழிப் புதையல்

புதிய தொடர்கள்

  • தொடரும்

    குடும்பக் கதை

    ஒரு குடும்பக் கதை -37

    37. கை விலங்கு மோதிலால் நேரு, ‘ஸ்வராஜ் கட்சி’ என்ற பெயரில் தனிக் கட்சி தொடங்கி, தேர்தலில் போட்டியிட்டு சட்டசபைக்குள் நுழைந்தது பற்றி அவரது மகன் ஜவஹர்லால் நேருவின் கருத்து என்னவாக இருந்தது? மோதிலால் நேரு, ஸ்வராஜ் கட்சி ஆரம்பித்த சமயம் ஜவஹர்லால் நேரு சிறையில் இருந்தார். விதிக்கப்பட்ட தண்டனைக் காலம்...

    Read More
    உயிருக்கு நேர் தொடரும்

    உயிருக்கு நேர் – 11

     நல்லூர் சுவாமி ஞானப்பிரகாசர் ( 30.08.1875 – 22.01.1947 ) தமிழ் மொழி முதன் மொழிகளுள் ஒன்று என்ற நோக்கு இன்றைக்கு இருக்கிறது. முதன்மொழி என்றால், இயல்பாகத் தானே இயங்கும் வல்லமை பெற்றது; உலகின் தொடக்க மொழிகளில் ஒன்றாக இருக்க வாய்ப்புள்ள ஒரு மொழி என்பன போன்றவை கருதுகோள்கள். அந்தக் கருதுகோள்கள்...

    Read More
    error: Content is protected !!