Home » Home 23-11-2022

வணக்கம்

தினமும் நம் வீடுகளுக்குப் பால் பாக்கெட் போடுகிறவர்கள், பேப்பர் போடுகிறவர்கள், செயலியில் ஆர்டர் செய்தால் வாசலில் கொண்டு வந்து உணவு தந்துவிட்டுப் போகிறவர்கள் - இவர்களையெல்லாம் என்றைக்காவது நாம் நிறுத்தி முகம் பார்த்திருக்கிறோமா? அவர்களது பெயர் தெரியுமா நமக்கு? ஆனால் நம் பொழுதைப் போக்க உலாவும் ஃபேஸ்புக்குக்கு நம் ஜாதகத்தையே தருகிறோம். நமது ஒவ்வொரு நடவடிக்கையையும் பின் தொடர்ந்து, நம் விருப்பங்களைத் தெரிந்துகொண்டு விளம்பரங்கள் மூலம் அது நம்மைச் செலவு செய்யச் சுண்டி இழுக்கிறது. நமது அந்தரங்கத் தகவல்கள் பலவற்றை எடுத்து யார் யாருக்கோ விற்றுக் காசாக்குகிறது. நவீன வாழ்வில் நாம் பெறுவதும் இழப்பதும் பலதரப்பட்டவை. இத்தகைய முரண்களை இனி நம்மால் தவிர்க்கவே முடியாது. இவற்றோடுதான் வாழ்ந்தாக வேண்டும். ஆனால் எப்படி வாழ்கிறோம் என்று அவ்வப்போது கணப் பொழுது நின்று எண்ணிப் பார்க்கலாம் அல்லவா? இந்த இதழின் முகமற்றவர்கள் பகுதி அதைத்தான் செய்கிறது.

பன்னெடுங்காலமாக இஸ்ரேலின் பிரதமர் என்றால் பெஞ்சமின் நெதன்யாஹுதான். உலகறிந்த இஸ்ரேலியத் தலைவர். இப்போதைய தேர்தலுக்குப் பிறகும் அவரேதான் வந்திருக்கிறார். அதே அடாவடிதான், அதே கெடுபிடிகள்தாம். இம்முறை கூட்டு வைத்துக் குழப்பவிருக்கிறார் என்பதுதான் விசேடம். ஸஃபார் அஹ்மதின் கட்டுரை, இஸ்ரேலியப் பொதுத் தேர்தல் காட்சிகளைக் கண்முன் நிறுத்துகிறது.

சென்ற இதழின் புத்தகக் காட்சி சிறப்புப் பக்கங்களை வரவேற்றுக் கொண்டாடிய வாசகர்கள் பலர். முன்பே அறிவித்தபடி புத்தகக் காட்சி சிறப்புக் கட்டுரைகள் ஜனவரி வரை அடிக்கடி வரும். இந்த இதழில் எதிர் வெளியீடு அனுஷின் சிறப்புப் பேட்டியும் கொழும்பு புத்தகக் காட்சி குறித்த ரும்மானின் கட்டுரையும் இடம் பெற்றுள்ளன. இவை இரண்டுமே சர்வதேசப் புத்தகச் சந்தை குறித்த தெளிவான பார்வையைத் தரவல்லவை.

தியாகராஜனின் போர்ட்டோ ரிக்கோ பயணக் கட்டுரை, நஸீமா எழுதியுள்ள எகிப்தின் அதி நூதனக் குற்றவாளி ஒருவரைப் பற்றிய கட்டுரை, மூன்றாம் உலக யுத்தமாக மாற இருந்து மயிரிழையில் தப்பித்த ரஷ்ய உக்ரைன் போரின் ஒரு குறிப்பிட்ட கட்டம் குறித்த ஜெயரூபலிங்கத்தின் கட்டுரை, சீனாவிலும் வட கொரியாவிலும் மீண்டும் பரவத் தொடங்கியிருக்கும் கோவிட் 19 குறித்த பூவராகனின் எச்சரிக்கைக் கட்டுரை என்று இந்த இதழெங்கும் நீங்கள் கருத்தூன்றி வாசிக்கப் பல முக்கியமான கட்டுரைகள் உள்ளன.

வாசித்துவிட்டு உங்கள் கருத்துகளை எங்களுக்கு எழுதுங்கள். மெட்ராஸ் பேப்பர் உங்கள் பத்திரிகை. உங்களுக்கு இது பிடித்திருந்தால் உங்கள் நண்பர்களுக்கும் பரிந்துரை செய்யுங்கள். புதிய தொடர்கள் குறித்த அறிவிப்பு இந்த இதழில் வெளியாகியுள்ளது. அடுத்த இதழிலிருந்து அவற்றை வாசித்து ரசிக்கத் தொடங்கலாம்.

  • திசை எட்டும்

    உலகம்

    அலெக்ஸி நவல்னி: ஒரு மரணமும் சந்தேகத்துக்கு இடமில்லாத ஒரு சந்தேகமும்

    “முயற்சியைக் கைவிடாதீர்கள். நல்லவர்கள் எதுவும் செய்யாமல் இருப்பதே, தீமை வெல்வதற்குப் போதுமானதாகிறது. அதனால்தான் சொல்கிறேன், செயல்படாமல் இருந்து...

    உலகம்

    பாலஸ்தீன மேற்குக் கரையும் பாவப்பட்ட தலைமுறையும்

    ஹமாஸ் ‘உடனடியாக’ கைதிகளை விடுவிக்க ஒப்புக்கொண்டு 1948 நக்பாவுக்குச் சற்றும் குறைவில்லாத இன்னொரு பேரழிவு நிகழ்வதைத் தடுக்கவேண்டும் என்று அழைப்பு...

    முகமற்ற மனிதர்கள்

    முகங்கள்

    பள்ளிக் குழந்தைகளே சொத்து! – ஆயி பூரணம் அம்மாள்

    “எங்களுக்கு ஜனனி அக்கா போட்டோவைக் காட்டுங்கம்மா. நாங்க பாக்கணும் அப்படின்னு பள்ளிக் குழந்தைங்க கேப்பாங்க. அது எதுக்கும்மான்னு கேட்டா எங்க...

    முகங்கள்

    160 டிகிரி

    ஒரு டிகிரி முடிப்பதற்குள்ளாகவே நமக்கு நாக்குத் தள்ளுகிறது. பி.ஜி இல்லை என்றால் மரியாதை இல்லை என்று பலரும் அதுவரை படித்துவிடுகிறோம். ஐ.டி.துறைக்குள்...

    கதம்பம்

    நம் குரல்

    மாநில பட்ஜெட்: செய்ததும் செய்திருக்கக் கூடியதும்

    தேர்தல் காலத்தில் ஆளுங்கட்சி என்ன செய்தாலுமே அது வாக்கு சேகரிப்பு சார்ந்த செயலாகத்தான் விமரிசிக்கப்படும். ஆனால் அதற்காக ஒரு மாநில அரசு தனது...

  • தொடரும்

    இலக்கியம் நாவல்

    ஆபீஸ் – 88

    88 தெரிந்ததும் தெரியாததும் புத்தகம் வெளியானது எதையோ பெரிதாக சாதித்துவிட்டதைப்போல ஓரிரு நாட்கள் உணரவைத்தது. சில நாட்களிலேயே ஒருவிதத்தில் பார்த்தால் இது ஒன்றுமேயில்லை என்றும் தோன்றத் தொடங்கிற்று. எல்லாம் ஏற்கெனவே வெளியான கதைதள்தானே இது ஆரம்பம்தான். இதில் பதினோறு கதைகள்தானே இருக்கின்றன. நூறு கதைகள்...

    Read More
    சைபர் க்ரைம் தொடரும்

    கத்தியின்றி ரத்தமின்றி – 13

    கனிமரமாக இருங்கள்! குணசேகரனின் ஆட்டோவில் எப்போதும் ரஜினி பாட்டுத்தான். ஆட்டோவின் பின்புறத்தில் ‘உன் வாழ்க்கை உன் கையில்’ என்று பெரிதாக எழுதி வைத்திருந்தான். ஆட்டோ ஸ்டாண்டில் அவனை ‘ரஜினி குணா’ என்றுதான் எல்லோருக்கும் தெரியும். அண்ணாமலை படம் வந்தபோது இருந்த ரஜினியின் ஹேர் ஸ்டைல்தான் குணாவிற்கும்...

    Read More
    error: Content is protected !!