Home » Home-20-07-2022

வணக்கம்

இந்த இதழின் சிறப்புப் பகுதி, செயலிகள். பெண்கள் அதிகம் பயன்படுத்தும் செயலிகள், அமெரிக்கப் பிரபலங்கள் பயன்படுத்தும் செயலிகள், கடன் செயலிகள், எழுத உதவும் செயலிகள், ஸ்கேனிங் செயலிகள் எனப் பல தரப்பட்ட செயலிகளைக் குறித்து இந்த இதழில் கட்டுரைகள் வெளியாகி இருக்கின்றன. டயட் செயலிகளை இழுத்துப் போட்டு, கதறக் கதற நக்கலடிக்கும் சிவசங்கரி வசந்தின் கட்டுரை மனம் விட்டுச் சிரிப்பதற்கு.

சென்ற வாரம் இலங்கையில் நடைபெற்ற மக்கள் புரட்சி குறித்து ஸஃபார் அஹ்மத் எழுதியிருந்தார். இந்த இதழில் அதன் தொடர்ச்சியாக, இலங்கையை விட்டுத் தப்பிச் சென்ற அதிபர் கோட்டபாய ராஜபக்சவின் தப்பித்தல் முயற்சிகளை விவரித்திருக்கிறார் (உலகம் சுற்றும் வாலிபன் - புதிய காப்பி). செயற்கை நுண்ணறிவு ஆயுதங்கள் குறித்து ராஜிக் இப்ராஹிம் எழுதியுள்ள கட்டுரையும் துபாயில் இருந்து நூற்று இருபது கிலோ மீட்டருக்கு அப்பால் பாலை வனத்தின் நடுவே நிகழ்ந்திருக்கும் ஒரு பசுமைப் புரட்சி குறித்து நசீமா ரசாக் எழுதியுள்ள கட்டுரையும் முக்கியமானவை.

ஜூலை 21ம் தேதி எர்னஸ்ட் ஹெமிங்வேயின் பிறந்த நாள். அம்மாபெரும் கலைஞனை இன்றைய தலைமுறை வாசகர்களுக்கு அறிமுகப்படுத்தும் விதமாக பென்னேஸ்வரன் எழுதியிருக்கும் கட்டுரை இந்த இதழுக்கு வண்ணம் சேர்க்கிறது.

வரலாறு முக்கியம் பகுதியில் அறிவன் இம்முறை சிறு தெய்வ வழிபாட்டின் தோற்றத்தை விவரித்திருக்கிறார். முன் அபிப்பிராயங்கள் இல்லாமல் வாசித்தால் பல திறப்புகளைத் தரும் கட்டுரை இது.

மெட்ராஸ் பேப்பரின் ஒவ்வொரு இதழையும் அறிதலில் ஆர்வம் கொண்ட வாசகர்கள் ஒவ்வொருவருக்காகவும் பார்த்துப் பார்த்து வடிவமைக்கிறோம். இதை இன்னும் பரவலான வாசகர்களிடம் கொண்டு சேர்க்கும் பெரும் பணியில் எங்களோடு தோள் சேர உங்களை அன்புடன் அழைக்கிறோம்.

உங்களுக்கு இதழ் பிடித்திருக்கிறதா? போதும். உங்களைப் போன்ற ஒரே ஒரு வாசகரை நீங்கள் மெட்ராஸ் பேப்பருக்கு அழைத்து வாருங்கள். சந்தாதாரர் ஆக்குங்கள். அவர் உங்கள் நண்பராக இருக்கலாம். உறவினராக இருக்கலாம். தெரிந்த யாராக வேண்டுமானாலும் இருக்கலாம். நீங்கள் அறிமுகப்படுத்தும் ஒவ்வொரு புதிய வாசகரும் உங்களைப் போலவே இந்தப் பத்திரிகையைத் தாங்கி நிற்கும் தூண்களுள் ஒருவர் ஆவார்.

செய்வீர்கள் அல்லவா?

சிறப்புப் பகுதி: செயலிகள்

அக்கம் பக்கம்

ருசிகரம்

  • தொடரும்

    இலக்கியம் நாவல்

    ஆபீஸ் – 93

    93. வேட்கை அசோகமித்திரனை வெளியீட்டு விழாவில் பார்த்ததோடு சரி. பார்த்து நாளாயிற்றே என்று சும்மா பார்க்கப்போனான். பச்சையப்பாஸில் படித்துக் கொண்டிருப்பதாய் பேர்பண்ணிக் கொண்டு பரீக்‌ஷாவில் தீவிரமாக இருந்த காலத்தில் எத்தனை முறை தாமோதர ரெட்டி தெருவில் இருந்த அசோகமித்திரன் வீட்டிற்குச் சென்றிருக்கிறோம்...

    Read More
    திறக்க முடியாத கோட்டை தொடரும்

    திறக்க முடியாத கோட்டை – 24

    24 – வாரிசு இல்லாத வல்லரசு 20-பிப்-2014. சுதந்திர சதுக்கம், கீவ், உக்ரைன். குறி தவறாமல் சுடும் ஸ்நைப்பர்கள் சதுக்கத்தைச் சுற்றி வளைத்தனர். முக்கியப் போராளிகள் ஐம்பது பேர் சுட்டுக் கொல்லப்பட்டனர். சற்று நேரத்தில் எண்ணிக்கை இருமடங்கானது. ஆம்புலன்ஸ்களிலேயே பரலோகம் சென்றடைந்த ஆன்மாக்கள் ‘பரலோக...

    Read More
    தொடரும் ப்ரோ

    ப்ரோ – 24

    “நீ பிழைப்புக்கு ரவுடி, நான் பிறந்ததில் இருந்தே ரவுடி” என்று ‘போக்கிரி’ படத்தில் விஜய், வில்லனைப் பார்த்துச் சொல்வார். மகிந்த ராஜபக்சேவும் அப்படித்தான். அவரும் பிறந்ததில் இருந்தே ரவுடிதான். ஆனால் சில விவகாரங்களில் பிழைப்புக்கு ரவுடிப் பாத்திரம் ஏற்றவர் அவர். தமிழர் பிரச்னையில் அவரால் இந்த...

    Read More
    குடும்பக் கதை தொடரும்

    ஒரு குடும்பக் கதை – 97

    97. காஷ்மீர் இணைப்பு இந்தியா – பாகிஸ்தான் பிரிவினையின்போது திபெத், சீனா, ஆப்கானிஸ்தான் ஆகிய நாடுகளை ஒட்டி காஷ்மீர் இருந்ததால், இந்தியாவின் மற்ற சமஸ்தானங்களைவிடவும் அதிகக் கவனத்துடன் கையாளப்பட வேண்டியதாக இருந்தது. ஜம்மு-காஷ்மீரின் முக்கியமான மத்திய பகுதியான ஜம்மு முஸ்லிம்கள் அதிகம் கொண்ட பகுதி...

    Read More
    சைபர் க்ரைம் தொடரும்

    கத்தியின்றி ரத்தமின்றி – 18

    நீரின்றி அமையாது உலகு அரங்கம் நிறைந்திருந்தது. முதல் வரிசையில் அமர்ந்திருந்தான் திவாகர். இன்னும் சில நிமிடங்களில் அவனைப் பேச அழைத்துவிடுவார்கள். மடியில் அவனது லேப்டாப். தனது ப்ரசன்டேஷனை மீண்டுமொருமுறை ஸ்க்ரோல் செய்து கொண்டிருந்தான் திவாகர். எல்லாமும் சரியாக இருப்பதாகத்தான் தோன்றியது. கண்களை...

    Read More
    error: Content is protected !!