Home » Home 10-01-2023

வணக்கம்

இன்று (புதன் கிழமை - ஜனவரி 11) மாலை ஐந்து மணிக்கு சென்னை கேகே நகர் டிஸ்கவரி புக் பேலஸ் அரங்கில் மெட்ராஸ் பேப்பர் வாசகர் திருவிழா - 13 நூல்கள் வெளியீட்டு விழா நடைபெறுகிறது. மெட்ராஸ் பேப்பர் வாசகர்கள் அனைவரையும் இவ்விழாவுக்கு அன்புடன் வரவேற்கிறோம்.

இது நம் குடும்ப விழா. ஓராண்டுக் காலம் எழுத்துப் பயிற்சி. ஏழு மாத கால பத்திரிகைப் பயிற்சி. அதன் பிறகு ஒரு புத்தகம். கடந்த இரண்டு ஆண்டுகளாக நமது எழுத்தாளர்கள் உண்டார்களா, உறங்கினார்களா, குடும்பத்தைக் கவனித்தார்களா, வேலைக்குச் சென்றார்களா என்றுகூடத் தெரியாது. இரவு பகலாக எழுதிக்கொண்டேதான் இருந்தார்கள். அது பலனளிக்கும் இத்தருணத்தில் உங்கள் வருகையும் வாழ்த்தும் அவர்களுக்குப் பேருவகை அளிக்கும்.

தமிழில் கதை எழுத, கவிதை எழுத ஆயிரம் பல்லாயிரம் பேர் உண்டு. தினமும் நூற்றுக்கணக்கான கவிஞர்கள் பிறந்துகொண்டேதான் இருக்கிறார்கள். ஆனால் ஒரு குறிப்பிட்ட இயல் சார்ந்து ஆய்வு செய்து, நுணுக்கமான விவரங்கள் சேகரித்து, ஆதாரபூர்வமானதொரு அபுனைவு நூலை எழுத வருவோர் மிகவும் குறைவு. இதுதான் சமரசமே இல்லாத மக்கள் எழுத்து. மக்களுக்கு உதவும் எழுத்து. ஆனால் சிரமமானது. நீடித்த கவனமும் அர்ப்பணிப்பும் தீவிரமும் கோருகிற ஒரு துறை இது.

நடைபெறும் சென்னை புத்தகக் காட்சியில் பிரபு பாலாவின் ‘ஐஐடி கனவுகளும்’, ராஜேஷ் பச்சையப்பனின் ‘தொண்டர் குலமு’ம் பேய் வேகத்தில் விற்பதாகப் பதிப்பாளர் ராம்ஜி நரசிம்மன் சொன்னார்.

இதன் அர்த்தம் புரிகிறதா? மாணவர்கள் தம் மேற்படிப்புக்கு வழி காட்டும் ஒரு சரியான நூலைத் தமிழில் தேடிக்கொண்டிருந்திருக்கிறார்கள். உதவி இயக்குநர்கள் அடுத்தக் கட்டத்தை எட்டிப் பிடிக்க தொண்டர் குலத்தை எதிர்பார்த்துக் காத்திருந்திருக்கிறார்கள். அவ்வளவுதான் விஷயம்.

மெட்ராஸ் பேப்பர் வெளியீடாக வந்திருக்கும் பதிமூன்று நூல்களுமே இந்த ஆண்டை ஆளப்போகின்றன என்பதில் எங்களுக்கு ஐயமில்லை. இம்மகிழ்ச்சியை நீங்களல்லாமல் வேறு யாருடன் நாங்கள் சேர்ந்து கொண்டாட முடியும்? அதனால்தான் சொல்கிறோம். அவசியம் விழாவுக்கு வருக.

தவிர, இது மேடையில் இருப்போர் மட்டும் பேசுகிற விழா அல்ல. வாசகர் திருவிழா. மெட்ராஸ் பேப்பர் ஆசிரியர் உள்பட குழுவினர் அனைவருடனும் நீங்கள் விவாதிக்கலாம். கேள்விகள் கேட்கலாம். இதழ் குறித்த உங்கள் கருத்துகளை, விமரிசனங்களை முன்வைக்கலாம். புத்தகங்கள் குறித்துப் பேசலாம். உங்களைச் சந்திப்பதற்காகவே நமது எழுத்தாளர்களும் செய்தியாளர்களும் உலகெங்கிலும் இருந்து சென்னைக்கு வந்திருக்கிறார்கள். இன்றைய விழாவிலும் நாளை (வியாழன்) முழுதும் சென்னை புத்தகக் காட்சியிலும் உங்களுடன் உரையாடுவதற்காகவே காத்திருப்பார்கள்.

O

இந்த இதழில் சி. சரவண கார்த்திகேயன், ஆத்மார்த்தி, நர்மி, ஷாராஜ், சித்ரன் ரகுநாத் ஆகியோர் சிறுகதைகள் எழுதியிருக்கிறார்கள். தமிழர் திருநாளை ஒட்டி இது உங்களுக்கு ஓர் எதிர்பாரா நல்விருந்தாக இருக்கும் என்று நம்புகிறோம்.

பொங்கல் பண்டிகை என்று நாம் கொண்டாடும் இத்திருநாள் உலகெங்கும் பல்வேறு விதங்களில், வடிவங்களில் கொண்டாடப்படுவதுதான். தைத்திருநாளின் சரித்திரத்தை சுவைபட விவரிக்கும் கோகிலா பாபுவின் கட்டுரை உங்கள் ரசனைக்கு விருந்தாக இருக்கும்.

இது மகர ஜோதி மாதமும் கூட. நமது செய்தியாளர் அ. பாண்டியராஜன் தமது சபரிமலை யாத்திரை அனுபவங்களின் அடிப்படையில் எழுதியுள்ள கட்டுரை, பக்திப் பரவச உணர்வை முற்றிலும் வேறொரு ருசியில் மறு அறிமுகப்படுத்துகிறது.

வாசக நண்பர்களுக்கு மெட்ராஸ் பேப்பரின் மனமார்ந்த பொங்கல் திருநாள் வாழ்த்துகள். இன்று (ஜனவரி 11) மாலை கேகே நகர் டிஸ்கவரி புக் பேலஸில் நடைபெறவுள்ள நமது வாசகர் திருவிழாவில் சந்திப்போம்.

  • பொங்கல் சிறப்புச் சிறுகதைகள்

    ருசிகரம்

    நம் குரல்

    நாடு தழுவிய மோசடி

    நீட் தேர்வில் கேள்வித் தாள் வெளியாகும் குற்றச்சாட்டு புதிதல்ல. ஒவ்வொரு வருடமும் இந்தக் குற்றச்சாட்டு வைக்கப்படுகிறது. தவறு நடப்பதைத் தடுக்கப் புதிய...

    உலகம்

    பேசாதே, முடிந்தால் செய்!

    தேர்தல் முடிவுகள் சிலசமயம் திடுக்கிட வைப்பது சரிதான். ஆனால் தேர்தல் அறிவிப்பின் மூலமே திடுக்கிட வைத்தவர் பிரெஞ்சு அதிபர் இம்மானுவேல் மக்ரோனாக...

    உலகம்

    ஏழு ‘ஜி’க்களும் ஏகப்பட்ட சிக்கல்களும்

    வீட்டில் ஆயிரம் பிரச்சினைகள் இருந்தாலும், நெருங்கிய உறவுத் திருமணம் போன்ற விழாக்களில் கலந்து கொள்ள வரும் கணவன் மனைவியர் எப்படிக் கவலை...

    உலகம்

    மியான்மரின் ட்ரோன் ராணுவம்!

    நவீன பனிப்போர் எதை அடிப்படையாக வைத்து நடக்கிறது? எந்த நாட்டிடம் அதிசிறந்த ஏ.ஐ. ட்ரோன் ஆயுதம் இருக்கிறது என்பதை வைத்துதான். தற்சமயம் கிட்டத்தட்ட...

    உலகம்

    தைவான்: தீராத தொல்லை, மாறாத சிக்கல்

    ரஷ்யாவுக்கு உக்ரைன் ஒரு ஓமப்பொடிப் பொட்டலம். இஸ்ரேலுக்கு பாலஸ்தீன் ஒரு பக்கோடா பொட்டலம். அமெரிக்கா, ரஷ்யா ஆகிய இரண்டு வல்லரசுகளுக்கும் சிரியா ஒரு...

    உலகம்

    கடன், வட்டி, கமிஷன்: பெரியவர்களின் பெரும்பண விளையாட்டு

    கன்னித் தீவு தொடர்கதையாகத் தொடர்கிறது, ரஷ்யா மீதான அமெரிக்காவின் தடைகள். இம்முறை ஜி7 மாநாட்டையொட்டி, செமிகண்டக்டர்கள் போன்ற இன்னும் பல முக்கியத்...

  • தொடரும்

    குடும்பக் கதை தொடரும்

    ஒரு குடும்பக் கதை – 109

    ஃபூல்பூர் எம்.பி. சுதந்திர இந்தியாவின் முதல் பொதுத்தேர்தலில் நேருவுக்கு இணையாகச் சூறாவளிப் பிரச்சாரம் செய்தவர்கள் வேறு யாருமில்லை. இந்தத் தேர்தலில் நேரு அலகாபாத் மாவட்டத்தில் உள்ள ஃபூல்பூர் பாராளுமன்றத் தொகுதியில் போட்டியிட்டார். அவரை எதிர்த்து ஆர்.எஸ்.எஸ். ஆதரவுடன் பிரபு தத் பிரம்மச்சாரி என்பவர்...

    Read More
    aim தொடரும்

    Aim it! – 10

    ஆப்பிள் பெண்ணே நீ யாரோ? ஆப்பிளுக்கு ஏ.ஐ. அலர்ஜி. இருந்தது. இப்போது குணமாகியுள்ளது. ஆப்பிள் இதுவரையிலும் ‘ஆர்ட்டிஃபீசியல் இன்டெலிஜென்ஸ்’ என்னும் வார்த்தைப் பிரயோகத்தைத் தவிர்த்தே வந்துள்ளது. சென்ற வாரம் நடந்தேறிய WWDC 2024 நிகழ்வில், உலகத் தொலைக்காட்சி வரலாற்றில் முதல் முறையாக, ஆர்ட்டிஃபீசியல்...

    Read More
    நுட்பம்

    சிக்கல் சிங்காரவேலர்களும் சிக்காமல் தப்பிக்கும் வழிகளும்

    உங்கள் வீட்டுக்கு நீங்கள் வந்தால், வாசல் தாழ்ப்பாளில் பூட்டொன்று தொங்குகிறது. அல்லது அதைவிட மோசமாக வீடே இடிந்துவிடுகிறது என்று வைத்துக் கொள்ளுங்கள். எனில், அது எத்தனை பெரிய அதிர்ச்சி! இதனால் ஏற்படும் பண இழப்பு ஒருபுறமிருக்கட்டும், இத்தனை ஆண்டுகளாக நீங்கள் பார்த்துப் பார்த்து சேகரித்துவைத்த உங்கள்...

    Read More
    G தொடரும்

    ஜி இன்றி அமையாது உலகு – 10

    10. விளம்பர வார்த்தைகள் 1999-இல், பீட்டா வெர்ஷனிலிருந்து வெளிவந்தபோதே கூகுள் நிறுவனம் அதன் புகழ்ப் படிகளில் ஏறத் தொடங்கிவிட்டது. கல்லூரிப் பையன்களின் ப்ராஜக்ட் என்ற கோஷங்கள் காணாமற் போயின. முதலீடு செய்வதற்கு பல பெரிய நிறுவனங்கள் முன்வந்தன. மிகத் தெளிவான திட்டத் தயாரிப்புகளுடனும், ஏற்கனவே ஆகிவந்த...

    Read More
    சாத்தானின் கடவுள் தொடரும்

    சாத்தானின் கடவுள் – 10

    10. கடவுளும் கடவுள்களும் கடவுளைக் குறித்து அதிக அளவில் யோசித்த, அதே அளவுக்குப் பேசிய முதல் பிரதி என்று ரிக் வேதத்தைச் சொல்லலாம். கவனிக்க. கடவுளைக் குறித்துத்தான். அவனைக் குறித்தோ அல்லது அதனைக் குறித்தோ அல்ல. ‘அவன்’ என்பது கடவுள்தான் என்று ஒரு வாதத்துக்குக் கொள்வோமானால் ஒரு நபரா, பலரா என்பது முதல்...

    Read More
    இலக்கியம் நாவல்

    ஆபீஸ் – 105

    105 அரசியலும் இலக்கியமும் நமக்கு என்ன தெரியும் என்று அவ்வப்போது உள்ளூர தோன்றினாலும் சிறுவயது முதலே எழுதுகிறான் என்கிற ஒன்றே இவனுக்கு எல்லாம் தெரியும் தோற்றத்தையோ அல்லது இவ்வளவு சிறிய வயதில் எவ்வளவு தெரிகிறது என்கிற வியப்பையோ பார்க்கிறவர்களிடம் உண்டாக்கியிருந்தது. அதை முதல் முதலில் வார்த்தைகளில்...

    Read More
    error: Content is protected !!