Home » Home 1-3-23

வணக்கம்

இந்த இதழ், சுற்றுலா சிறப்பிதழ். இப்போது முதல் திட்டமிட்டால்தான் விடுமுறைக் காலத்தில் சென்று வர வசதி. அதை விடுங்கள். இந்தச் சிறப்புப் பகுதியின் தலையாய சிறப்பு, இதில் எழுதியிருக்கும் பெரும்பாலானவர்கள், புதிய எழுத்தாளர்கள். தொடர்ச்சியாக மெட்ராஸ் பேப்பர் அறிமுகப்படுத்தும் எழுத்தாளர்கள் வரிசையில் இன்று இணைந்திருப்பவர்கள்.

நீலகிரி மாவட்டம் என்றாலே ஊட்டி, குன்னூர் என்றுதான் நாம் சிந்திப்போம். ஒரு மாறுதலுக்கு மஞ்சூர் என்னும் பூவுலக சொர்க்கத்தை அறிமுகப்படுத்துகிறார் சிவராமன் கணேசன். தரங்கம்பாடி கோட்டையை அதன் வரலாற்று வாசனையுடன் சுற்றிக் காட்டுகிறார் கே.எஸ். குப்புசாமி. கர்நாடக மாநிலம் கூர்கில் உள்ள யானைகள் சரணாலயம் குறித்து வினுலா எழுதியுள்ள கட்டுரையைப் படித்த மறுகணம் ஒரு யானைக் குட்டியைத் தழுவிக் கொஞ்ச வேண்டும் என்கிற வேட்கை உண்டாவதை உணர்வீர்கள். சிலிர்ப்பூட்டும் முர்தேஷ்வர் பயணம் குறித்து காயத்ரி. ஒய் எழுதியுள்ள கட்டுரை, தென் கர்நாடகத்தின் ஏழு திருத்தலங்களுக்கு உங்கள் கையைப் பிடித்து அழைத்துச் சென்று சுற்றிக் காட்டும் நா. மதுசூதனன் எழுதியுள்ள கட்டுரை, அமிர்தசரஸ் பொற்கோயில் யாத்திரை குறித்து நந்தினி கந்தசாமி எழுதியுள்ள கட்டுரை - ஒவ்வொன்றும் ஒவ்வொரு விதமான அனுபவம், வேறு வேறு ருசி. எழுத்துலகை நாளை ஆளப்போகும் இப்புதியவர்களின் படைப்புகளை வாசித்துவிட்டு உங்கள் கருத்துகளை எழுதுங்கள்.

சென்ற வாரம் முழுதும் நாம் சிவராத்திரியை முன்னிட்டு சிவனை நினைத்தோமோ இல்லையோ, ஜக்கி வாசுதேவைக் குறித்து நிறையப் பேசினோம். சமூக ஊடகங்களில், பத்திரிகைகளில், தொலைக்காட்சிகளில் வேறு எதுவுமே கிடையாது. ஜனாதிபதி வந்தது, தமன்னா வந்தது, உருவேற்றிய ருத்திராட்சம், ஆனந்தக் களி நடனம் என்று அது ஒன்றுதான் பேச்சு. எவ்வளவோ கார்ப்பரேட் சாமியார்களை இத்தேசம் கண்டிருக்கிறது. ஒவ்வொரு காலக்கட்டத்துக்கு ஒருவர் இருப்பார். ஆள்பவராக இல்லாவிட்டாலும் ஆட்டி வைப்பவராக. இக்காலம் கையிலேந்தியிருக்கும் நட்சத்திர கார்ப்பரேட் சாமியார், ஜக்கி வாசுதேவ். நாட்டின் குடியரசுத் தலைவர், பிரதமர் முதல் அத்தனை பேரையும் தன் வயப்படுத்துவது எளிதல்ல. எப்படி அவர் இதனைச் சாதித்தார்? ஒரு கொலைக் குற்றச்சாட்டில் தொடங்கிய அவரது வாழ்க்கை இன்றடைந்திருக்கும் உயரம் கற்பனைக்கு அப்பாற்பட்டது. ஆனால் கூர்ந்து கவனிக்க வேண்டியது. ஜக்கியைக் குறித்து இந்த இதழில் கோகிலா பாபு எழுதியிருக்கும் கட்டுரை, இன்று வரையிலான அவரது வாழ்வின் முக்கியக் கண்ணிகளைக் கோத்து, அதன் மூலம் அவரது இருப்பும் செயல்பாடும் நேரடியாகவும் மறைமுகமாகவும் நமக்குச் சொல்லும் செய்தி என்னவென்று ஆராய்கிறது. தவற விடக்கூடாத மிக முக்கியமான கட்டுரை இது.

அதைப் போலவே அ. பாண்டியராஜன் எழுதியிருக்கும் ‘இனி என்ன ஆகும் அதிமுக?’ வழக்கு என்றால் ஒருவர் வெல்ல வேண்டும். ஒருவர் தோற்க வேண்டும். அதுவல்ல விஷயம். எம்.ஜி.ஆர் காலம் தொடங்கி அக்கட்சியின் விசுவாசிகளாக இருக்கும் பல லட்சக் கணக்கானவர்களின் மனநிலை இன்று எப்படி இருக்கும்? அடுத்தத் தேர்தல் என்ற ஒன்று வரும்போது பழைய உற்சாகம் மிச்சம் இருக்குமா அவர்களுக்கு? அதிமுகவின் வீழ்ச்சி என்பது இரண்டு விதங்களில் கவலைக்குரியது. முதலாவது, தமிழ்நாட்டில் ஒரு வலுவான எதிர்க்கட்சி இல்லாமல் போவது. இரண்டாவது, மதவாத சக்திகள் ஊடுருவ வழி செய்வது. இரண்டுமே பெரும் பிரச்னைகள். இந்தக் கட்டுரை அப்பிரச்னையின் ஆழத்தைச் சரியாகப் புரிய வைக்கும்.

இவை தவிர ஆ. பாலமுருகன் எழுதியுள்ள கட்டுரை, அமெரிக்காவில் பரவும் புதிய போதைப் பொருள் குறித்த ஆழமான அலசலைத் தருகிறது. இது நம்மை நெருங்காதிருக்க மேற்கொள்ள வேண்டிய தடுப்பு நடவடிக்கைகளையும் சுட்டிக் காட்டுகிறது. உக்ரைன் மீதான ரஷ்யப் படையெடுப்பு தொடங்கி ஓராண்டு நிறைந்துவிட்டது. போர் இன்னும் ஓயவில்லை. அவலங்கள் தீரவில்லை. இது பற்றியதொரு விரிவான கட்டுரையை பத்மா அர்விந்த் எழுதியிருக்கிறார்.

இதழ் குறித்த உங்கள் கருத்துகளை எங்களுக்கு எழுதுங்கள். அடுத்த வாரம் மகளிர்தின சிறப்புப் பக்கங்களுடன் சந்திப்போம்.

  • சிறப்புப் பகுதி: சுற்றுலா

    ஊரும் உலகும்

    நம் குரல்

    சிந்திக்கத் தெரிந்தவர்களின் மாநிலம்

    கூட்டணி குறித்த பேச்சுகள் எழத் தொடங்கிவிட்டன. சிறிய கட்சிகள் தமது இருப்பைத் தெரிவிக்க ஆரம்பித்திருக்கின்றன. பெரிய கட்சிகள் பேரம் பேசத்...

    உலகம்

    இனவெறி அல்ல; இது வேறு!

    அமெரிக்காவின் அதிகார மையத்தின் மீது பலருக்குப் பலவிதமான குறைகள் இருந்தாலும் உயர் கல்வி, ஆராய்ச்சித்துறையில் இன்றளவும் சர்வதேச அரங்கில் அமெரிக்காவின்...

    உலகம்

    ஜேவிபி: இந்தியாவின் புதிய செல்லக் குழந்தை?

    என்னதான் இலங்கை சுதந்திரம் பெற்ற தேசம் என்றாலும், சொந்த முயற்சியில் கெட்டுச் குட்டிச்சுவரானாலும் இலங்கை அரசியலை இத்தனை நாளாய்த் தீர்மானித்ததில்...

    உலகம்

    ஜூலியன் அசான்ஞ்: உன் குற்றமா? என் குற்றமா?

    ஒருவரை வேவு பார்ப்பதென்று முடிவெடுத்து விட்டால் மேலோட்டமாகச் செய்ய முடியாது. குறித்த நபரின் நடை, உடை, பாவனை, வாழ்க்கை வட்டம், இடுப்பின் சுற்றளவு...

    உலகம்

    என்ன ஆச்சு ஜப்பானுக்கு?

    பிப்ரவரி பதினைந்தாம் தேதி, உலகின் மூன்றாவது பெரிய பொருளாதார நாடான ஜப்பான் Recession எனப்படும் பொருளாதார மந்தநிலையில் இருப்பதாக அறிவிப்பு வெளியானது...

  • தொடரும்

    குடும்பக் கதை தொடரும்

    ஒரு குடும்பக் கதை – 93

    93. ராஜாதி ராஜ ராஜ கம்பீர…. மன்னர் மானியத்தின்  ரிஷிமூலம் என்ன தெரியுமா? அந்தந்த சமஸ்தானங்களின் ஆட்சியாளர்கள் தங்கள்  சமஸ்தானங்களின் வருவாயில் கணிசமான பங்கினைத் தங்களது ராஜபோக வாழ்க்கைக்குத்தான் பயன்படுத்திக் கொண்டார்கள். அது குட்டி சமஸ்தானமானாலும் சரி; பெரிய மகாராஜாவின் சமஸ்தானமாக இருந்தாலும் சரி...

    Read More
    தொடரும் ப்ரோ

    ப்ரோ – 20

    மகிந்த ராஜபக்சேவின் 2005-ம் ஆண்டு ஜனாதிபதித் தேர்தல் வெற்றி என்பது வெறும் ஒரு லட்சத்து எண்பதாயிரம் வாக்குகளால் அமைந்த ஒன்று. வடகிழக்கில் ஐந்து லட்சத்துக்கும் அதிகமான ஓட்டுக்கள் அன்று போடப்பட்டு இருந்தால் நிச்சயம் ரணில் விக்ரமசிங்கே ஜனாதிபதியாகி இருப்பார். அதில் எந்தச் சந்தேகமும் இல்லை. ஆனால்...

    Read More
    இலக்கியம் நாவல்

    ஆபீஸ் – 89

    89 ஆமா பொல்லாத ஆபீஸ் ‘பரவால்ல இன்னும் கொஞ்சம் டைம் எடுத்துண்டு அடிச்சு முடிச்சுடுங்கோ’ என்று ஏஓ சீதா சொல்லியும் டைப்ரைட்டர் எதிரில் உட்கார்ந்திருந்து வேடிக்கை பார்த்துக்கொண்டிருப்பதைத் தவிரத் தன்னால் வேறு ஒன்றும் செய்யமுடியாது என்பது தனக்கே தெரியும்போது இன்னும் கொஞ்சநேரத்தில் மட்டும்...

    Read More
    திறக்க முடியாத கோட்டை தொடரும்

    திறக்க முடியாத கோட்டை – 20

    20 – ஏழு தலைமுறை மரணத்தின் காரணங்கள் 14-ஜூன்-1995. புத்யோனஸ்க் நகரம், ரஷ்யா. மூன்று கார்கோ – 200 லாரிகள் நண்பகல் நேரத்தில் நகரத்திற்குள் நுழைகின்றன. போரில் இறந்த வீரர்களின் சவப்பெட்டிகளை, அவரவர் வீடுகளுக்குக் கொண்டு சேர்ப்பவைதான் கார்கோ – 200. ரஷ்ய ராணுவ உடையில் உள்ளிருந்தவர்கள்...

    Read More
    சைபர் க்ரைம் தொடரும்

    கத்தியின்றி ரத்தமின்றி – 14

    கோவேறு கழுதைகள் “இது ரொம்ப ஈஸிடா” என வினோத் சொன்னதை ரவியால் நம்ப முடியவில்லை. “எதடா ஈஸின்ற? நம்ம லைஃப்ல ஈஸியான மேட்டர்லாம் இருக்கா என்ன?” எனக் கேட்டான் ரவி. ஆறு மாதங்களாக வினோத்தும் ரவியும் வேலை தேடிக் கொண்டிருக்கிறார்கள். கேம்பஸ் இண்டர்வ்யூவில் இருவருக்குமே வேலை கிடைக்கவில்லை. ஏ.ஐ. எழுதிக் கொடுத்த...

    Read More
    error: Content is protected !!