Home » Home 02-10-2022

வணக்கம்

How to.

கூகுளில் இதைப் போட்டுத் தேடாத நாளும் இல்லை; நபரும் இல்லை. இது எப்படி, அது எப்படி என்று ஒவ்வொருவருக்கும் எதையாவது சிலவற்றைத் தெரிந்துகொள்ளும் ஆர்வமோ தேவையோ எப்போதும் இருக்கிறது. OSX Daily என்று ஒரு தொழில்நுட்ப இணைய இதழ் உள்ளது. முற்றிலும் ஆப்பிள் நிறுவனத் தயாரிப்புகளைக் குறித்தே அலசும் கட்டுரைகளை வெளியிடுகிற இதழ். இந்தப் பத்திரிகையின் 99 சதவீதக் கட்டுரைத் தலைப்புகள் ‘How to’ என்றே தொடங்கும். மக்களின் தேவை அப்படி. மறுபுறம், யூ ட்யூபில் பார்த்து வெடிகுண்டு செய்யக் கற்றுக்கொண்டவர்களைப் பற்றிக் கூட கேள்விப்படுகிறோம். how to என்று ஆரம்பித்தால் எதையும் கொண்டுவந்து கொட்டும் கற்பக விருட்சமாகிவிட்டது இணையம். குருகுலவாசம் இருந்து பயில்வது, மூத்தோரிடம் பார்த்துக் கற்பது, அனுபவத்தில் அறிவது எல்லாம் பழங்கதை. தேவை என்று தோன்றிய கணத்தில் கையில் இருக்க வேண்டும். அதுவும் அதிக சிரமமின்றி எளிதாக உள்வாங்கும் விதமாக.

நல்லது. இது இத்தலைமுறையின் கல்யாண குணம். ஒன்றும் செய்ய முடியாது.

இந்த இதழில் வெளியாகியுள்ள How to ரகக் கட்டுரைகளை வாசித்துப் பாருங்கள். அவை பேசும் துறை சார்ந்து அதிகபட்ச எளிமையையும் பயன்பாட்டையும் கருத்தில் கொண்டு இவை எழுதப்பட்டுள்ளன. ஷான் கருப்புசாமி, நாவல் எழுதுவதற்குத் தயாராவது எப்படி என்று விவரிக்கிறார். மறுபுறம் சரவணகார்த்திகேயன் ஓர் அழகியை ரசிப்பது எப்படி என்று கற்றுத் தருகிறார். இரண்டும் இரு வேறு எல்லைகள் என்று தோன்றினால் நீங்கள் வேறு தலைமுறை. எல்லாம் கலைதானே என்பீர்களானால் இன்றைய உலகில் வாழ்பவர்.

இது புரிய வேண்டுமானால் பள்ளி மாணவர்களிடம் இருந்து தொடங்க வேண்டும். இந்தத் தலைமுறை மாணவர்களைக் கையாள்வது எப்படி என்று ரும்மான் எழுதியிருப்பதைப் படியுங்கள். மாணவர்களைக் காட்டிலும் ஆசிரியர்களும் பெற்றோரும் அதிகம் பயில வேண்டியிருப்பதாகத் தோன்றிவிடும். அச்சப்பட அவசியமில்லை என்றாலும் கால மாற்றத்தைக் கவனத்தில் கொள்ள வேண்டியிருக்கிறது.

ஒரு நாளைத் திட்டமிடுவது எப்படி என்று தொடங்கி, ஆயிரம் பேருக்குச் சமைப்பது எப்படி என்பது வரை இந்த இதழில் இடம் பெற்றிருக்கும் ‘எப்படி’க் கட்டுரைகளை தினம் ஒன்றாக நீங்கள் வாசித்து, யோசிக்கலாம். இவை மிக நிச்சயமாக ஒரு புதிய விஷயத்தையாவது உங்களுக்கு அறிமுகப்படுத்தும் என்பதில் சந்தேகமில்லை.

இலங்கை அரசியல் அமைப்புச் சட்டத்தில் மேற்கொள்ளப்படுகிற திருத்தங்கள் குறித்து ஸஃபார் அஹ்மத் எழுதியுள்ள கட்டுரை இந்த இதழில் மிக முக்கியமானதொன்று. சில ஆப்பிரிக்க, தென்னமெரிக்க தேசங்களில் இருபது முப்பது ஆண்டுகளுக்கு முன்னர் நிகழ்ந்த அரசியல் குளறுபடிகளெல்லாம் இன்று நம்மருகே, நம் சொந்தச் சகோதரர்கள் வசிக்கும் தேசத்தில் நிகழ்வதைக் காணும்படிச் செய்திருக்கிறது காலம். புத்தர் கைவிட்டுவிட்ட தேசத்தை எந்தப் புனிதர் வந்து மீட்பார் என்றுதான் தெரியவில்லை.

மெட்ராஸ் பேப்பர் குறித்த உங்கள் கருத்துகளை எங்களுக்கு எழுதுங்கள். மேலும் பல புதிய சுவாரசியங்களுடன் அடுத்த வாரம் மீண்டும் சந்திப்போம்.

விருந்தினர் பக்கம்: சிஎஸ்கே, ஷான்

சிறப்புப் பகுதி: எப்படிச் சொல்வேனடி?

திசையெலாம்

நம் குரல்

‘பப்பு’வைக் கண்டு என்ன பயம்?

‘பப்பு (சிறுவன்)’ என்று இத்தனை நாட்களாக ஏளனம் செய்யப்பட்டு வந்த ராகுல் காந்தி, இப்போது கொஞ்சம் கொஞ்சமாக வளர்ந்து ‘பெரியவனாகி’ வருவதாக பாஜகவினரே உணர...

சமூகம்

பாலின பேதமற்ற சமூகம் சாத்தியமா?

பிருஹன்னளையாக அர்ச்சுனனும், மோகினி அவதாரமாக திருமாலும் இதிகாசங்களில் தங்களை முழுமையாகப் பெண்ணாக உணர்ந்து செயல்பட்ட தருணங்களும் அதைக் கொண்டாடும்...

உலகம்

குற்றம்: நடப்பது என்ன?

நூற்று இருபத்தொன்பது ஆண்டுகள்.! பீட்டர் ஜெரால்ட் ஸ்கல்லி என்பவருக்கு பிலிப்பைன்ஸ் நீதிமன்றம் வழங்கியுள்ள தண்டைனை இது. ஆஸ்திரேலியரான இவர் மீது...

உலகம்

ஈரான்: இன்னொரு புரட்சி?

கத்தாரில் நடைபெற்று வரும் உலகக் கிண்ண உதைபந்தாட்டப் போட்டியில் ஈரானும் அமெரிக்காவும் மோதியது ஒன்றும் செய்தியல்ல. ஆனால் அதன் பின்னர் நடந்தது தான்...

  • தொடரும்

    உயிருக்கு நேர் தொடரும்

    கடவுளுக்குப் பிடித்த தொழில் – 2

    மகத்தான மரபணுக்கள் நாம் ஏன் உயிரியல் தொழில்நுட்பம் பற்றித் தெரிந்து கொள்ள வேண்டும்? உயிரியல் தொழில்நுட்பம் மட்டும் அல்ல, எந்த ஒரு விஷயத்தை பற்றியும் தெரிந்து கொள்வதற்கு முன் நாம் அதை ‘ஏன்’ தெரிந்து கொள்ள வேண்டும் என்பதைச் சிந்திக்க வேண்டும். ‘ஏன்’ என்ற கேள்விக்கு விடை தெரியாமல் எந்த ஒரு பெரும்...

    Read More
    குடும்பக் கதை

    ஒரு குடும்பக் கதை-28

    கிராமங்களில்தான் இந்தியாவின் ஆன்மா வாழ்கிறது என்றார் காந்திஜி. ஜவஹர்லால் நேருவின் எண்ண ஓட்டமும் அப்படித்தான் இருந்தது. ஆகவே, யமுனை நதிக்கரையில் சந்தித்த அந்த விவசாயிகளை, அவர்களின் கிராமங்களுக்கே சென்று சந்தித்துப் பேச முடிவு செய்தார் ஜவஹர்லால் நேரு. அலகாபாத்திலிருந்து புறப்பட்டுச் சென்றார். தங்கள்...

    Read More
    தல புராணம்

    ‘தல’ புராணம் -2

    பெப்சி ராணி சென்ற ஆண்டில் ஒருநாள். அலுவலகத்தில் நானும் எனது சக ஊழியரும் பணி சம்பந்தமாகப் பேசிக் கொண்டிருந்தோம். நாங்கள் அமர்ந்திருந்த மேஜைக்கு எமது நிறுவனத்தின் சட்ட வல்லுநர்களில் ஒருவர் வந்து எம்மிருவரிடமும் பேச வேண்டுமென்றார். நாங்களும் எமது நான்கு செவிகளையும் அவர் சொல்லப் போவதைக் கேட்கத்...

    Read More
    உயிருக்கு நேர் தொடரும்

    உயிருக்கு நேர் -2

    ​ திரு அருட்பிரகாச வள்ளலார் (எ) இராமலிங்க அடிகள் ​ அறிமுகம் ஒருமையுடன் நினது திரு மலரடி நினைக்கின்ற உத்தமர் தம் உறவு வேண்டும் உள்ளொன்று வைத்துப் புறம்பொன்று பேசுவார் உறவு கலவாமை வேண்டும் பெருமை பெறு நினது புகழ் பேச வேண்டும் பொய்மை பேசாது இருக்க வேண்டும் பெரு நெறி பிடித்தொழுக வேண்டும் மதமான பேய்...

    Read More
    தொடரும் நாவல்

    ஆபீஸ் – 28

    28 வேட்கையும் பிரசாதமும் மாலையில் ஆபீஸை விட்டுக் கிளம்பி, டிராபிக் குறைந்து சாலையைத் தாண்டி எதிர்ப்புறம் போக வழி கிடைக்கவேண்டி,வண்டி வளாகத்தின் கதவருகில் காத்திருக்கையில், வாயில் சிகரெட் புகைய துச்சமாகப் பார்த்த அந்த முகம் – கருப்புக் கண்ணாடிக்குள்ளிருந்து தெரிந்த, இரவெல்லாம் தூங்கவிடாமல்...

    Read More
    error: Content is protected !!